PAKEEZGE

سیدنا عثمان بن عفان رضی اللہ عنہ نے پانی کا ایک برتن مانگا اور اپنی ہتھیلیوں پر تین بار پانی ڈالا اور کلی کی اور ناک صاف کیا۔ پھر اپنے چہرے کو تین مرتبہ دھویا اور دونوں ہاتھوں کو کہنیوں تک تین مرتبہ دھویا، پھر اپنے سر کا مسح کیا، پھر اپنے دونوں پیر ٹخنوں تک تین بار دھوئے ۔ پھر کہا کہ رسول اللہ صلی اللہ علیہ و سلم نے فرمایا ہے کہ جو کوئی میرے اس وضو کی مثل وضو کرے اور اس کے بعد دو رکعت نماز پڑھے، اور ان میں اپنے دل سے باتیں نہ کرے تو اس کے پچھلے تمام گناہ معاف کر دیئے جائیں گے۔اور ایک دوسری حدیث میں ہے کہ سیدنا عثمان رضی اللہ عنہ نے (وضو کرنے کے بعد) کہا کہ میں تم کو ایک حدیث سناتا ہوں، اگر قرآن کی ایک آیت نہ ہوتی تو میں تم کو یہ حدیث نہ سناتا۔ میں نے رسول اللہ صلی اللہ علیہ و سلم سے سنا کہ آپ صلی اللہ علیہ و سلم نے فرمایا کہ جو شخص اچھی طرح وضو کرے اور اس کے بعد نماز پڑھے (کوئی فرض نماز) تو جتنے گناہ اس نماز سے دوسری نماز کے پڑھنے تک ہوںگے، وہ معاف کر دیئے جائیں گے (راوی ئ حدیث عروہ نے کہا کہ) وہ آیت یہ ہے (ترجمہ) جو لوگ ہماری اتاری ہوئی آیتیں چھپاتے ہیں۔۔۔۔۔۔ اخیر تک (البقرہ: 159 ) ۔